RIZAL, Zamboanga del Norte — Opisyal nga giturn-over sa Office of the Municipal Mayor nga gipangulohan ni Mayor Marissa D. Manigsaca ang tseke nga nagkantidad og ₱20,000.00 ngadto sa Colegio de San Francisco Javier isip pinansyal nga suporta sa ilang partisipasyon sa 2026 CEAP Regional Games nga ipahigayon sa Ateneo de Zamboanga University sa Zamboanga City.
Ang maong donasyon kabahin sa padayon nga pagpaluyo sa lokal nga panggamhanan sa talento, disiplina, ug kahusayan sa kabatan-onan sa natad sa isports. Gilauman nga kini makatabang sa mga atleta sa ilang preparasyon ug partisipasyon sa maong regional competition.
Gipasiugda sa LGU Rizal ang kahinungdanon sa pag-invest sa kabatan-onan isip pundasyon sa mas lig-on ug mas malampusong komunidad.
Padayon ang suporta sa mga programa nga magdala og dungog sa lungsod pinaagi sa kahanas ug determinasyon sa mga batan-ong atleta.(JENIFFER JR. DELICA)
Source: Municipality of Rizal