Mainitong gidawat sa Lokal nga Pangagamhanan sa Rizal, pinangulohan ni Mayor Marissa Manigsaca, ang mga delegado sa lungsod nga bag-o lang mibalik gikan sa Philippine Youth Games – Batang Pinoy 2025 nga gipahigayon sa General Santos City.
Daku ang kalipay sa atong mayor sa pag-ila sa mga batan-ong atleta nga mipakita sa tinuod nga espiritu sa sportsmanship ug kaisog, nga maoy naghatag ug dungog ug garbo sa lungsod. Gihisgutan usab ang kalampusan sa programa ni Mayor Manigsaca nga “Batang Karate: Mga Anak ni Mayor Marissa,” nga naghatag ug kahigayunan sa kabatan-onan aron mapalambo ang disiplina, kahimsog, ug maayong panglawas ug panghuna-huna.
Gikalipay usab sa LGU Rizal ang sakripisyo ug pagpaningkamot sa mga coaches nga nagsilbing giya ug inspirasyon sa matag atleta. Padayon ang panawagan sa pagdasig sa kabatan-onan tungod sila ang padayon nga paglaum ug garbo sa Lungsod sa Rizal.(JENIFFER JR. DELJCA)
Source/Photo Courtesy: Municipality of Rizal