DAVAO CITY – Aron maprotektahan ang mga residente sa pag-abot sa Super Typhoon Uwan, gipahigayon sa Philippine Coast Guard (CGMP Jomalig) uban sa Lokal nga Pangagamhanan (LGU) ug Municipal Disaster Risk Reduction and Management Office (MDRRMO) Jomalig ang forced evacuation sa Sitio Moros, Barangay Talisoy, Quezon.
Kin-total nga lima ka pamilya o 17 ka indibidwal ang luwas nga napaluwas ug gibalhin sa Barangay Talisoy Jomalig Central Elementary School, nga gisang-at isip opisyal nga evacuation center.
Ang Coast Guard nagtabang sa hapsay nga pagbalhin sa mga residente, samtang padayon ang pagbantay sa kahimtang sa LGU ug MDRRMO. Ang CGMP Jomalig anaa usab sa high alert status aron andam motabang kon magkinahanglan pa ug dugang suporta.(Camille Santos Naraga)(Source: Contributed)