Gipahigayon sa lokal nga kagamhanan sa Piñan ang Joint Meeting sa Municipal Peace and Order Council (MPOC) ug Municipal Anti-Drug Abuse Council (MADAC) sa Conference Room sa Piñan Government Center kagahapon, Disyembre 5, 2025, diin gilatag ang mga update sa kahapsay ug kaluwasan, kampanya kontra droga, ug gihimong aksyon sa Peace and Order and Public Safety o POPS.
Gipresentar sa miting ang mga kalamboan sa anti-insurgency ug anti-terrorism campaign, kahimtang sa peace and order, kampanya kontra ilegal nga droga, ug physical ug financial accomplishments sa POPS Plan. Gilatid ug giaprubahan usab ang POPS Plan para sa tuig 2026 hangtod 2028.
Gisentrohan sa kalihokan ang padayon nga paningkamot sa lungsod aron mapalig-on ang kahapsay, kaluwasan, ug usa ka drug-free nga komunidad alang sa mga Piñanon.(JENIFFER JR. DELICA)
Source/Photo Courtesy: Mayor Rommel Gudmalin