Nibisita ug pormal nga courtesy call ang Provincial Environment and Natural Resources (PENR) Officer sa Probinsya sa Zamboanga del Norte nga si Mr. Cidur S. Julsadjiri, MPM kang Gutalac Municipal Mayor Eddie Justin Quimbo aron hisgutan ang dugang nga mga paagi sa pagpalig-on sa panag-partner sa LGU ug Department of Environment and Natural Resources alang sa pangkalikupan nga panalipod ug malungtarong kalamboan.
Atol sa panagtagbo, gipadayag ni Mayor Quimbo ang iyang lig-on nga paningkamot sa pagpanalipod sa natural nga kahinguhaan sa Gutalac, lakip ang iyang padayon nga dedikasyon sa paghatag ug Excellent, Just, ug Quality nga serbisyo alang sa tanang Gutalacnons. Gihatagan ug dakong bili ang papel sa environmental stewardship isip usa ka tinambok nga responsibilidad alang sa karon ug sa umaabot nga henerasyon.
Usa sa mga gipresentar atol sa maong okasyon mao ang mga silya nga produkto sa Deed of Donation tali sa LGU ug DENR, nga ipanghatag sa nagkalain-laing mga eskwelahan sa lungsod. Kini nga inisyatibo nagpakita sa lig-on nga kooperasyon tali sa duha ka ahensya nga nagasuporta dili lamang sa kalikupan, kondili usab sa kaayohan sa kabatan-onan.(IKEN B. GULLEM)
Source: LGU GUTALAC -Public Information