Mipahigayon ang Kagamhanang Lokal sa Gutalac, pinangulohan ni Mayor Eddie Justin Quimbo, og turn-over ceremony alang sa usa ka yunit nga classroom building sa Matunoy Elementary School niadtong Oktubre 16, 2025. Ang proyekto kabahin sa paningkamot sa LGU sa pagpalambo sa edukasyon ug paghatag og hapsay nga lugar sa pagkat-on sa mga kabataan sa lungsod.
Mitambong sa kalihokan sila Vice Mayor Aljohn Garzon, SB Members Arnold Dagodog, Man-Man Gato, Wilfredo Landong, ug Floro Serda, uban sa Punong Barangay Joey Cabug ug mga konsehal sa Matunoy. Gipasalamatan sa Matunoy Elementary School ang LGU sa padayong suporta ug kooperasyon alang sa ilang mga estudyante.
Ang maong classroom building gipundohan pinaagi sa 20% Economic Development Fund (EDF) sa LGU alang sa 2025, nga nagpakita sa panlantaw ni Mayor Quimbo sa paghatag og tinuoray, kalidad, ug makausab-kinabuhi nga serbisyo alang sa mga Gutalacnon.(Jeniffer Jr.Delica)
Source/Photo Courtesy: LGU Gutalac- Public Information