Nagkahiusa ang Local Government Unit (LGU) sa Gutalac sa pagsaulog sa Philippine Councilors League (PCL)Week 2026 niadtong Septiyembre 7,2026, isip pag-ila sa dakong papel sa mga konsehal sa pagpalig-on sa lokal nga panggobyerno.
Ang kalihokan gipasiugdahan sa Lokal nga kagamhanan pinaagi ni Gutalac Municipal Mayor Eddie Justin T. Quimbo alang kahinungdanon sa panaghiusa ug koordinasyon tali sa ehekutibo ug lehislatibong mga opisyal alang sa mas episyente ug responsive nga serbisyo publiko.
Ang selebrasyon nagsunod sa tema nga “Anchoring Local Governance on Global Resilience, Protecting Filipinos Across Borders,” nga nag-awhag sa mga lokal nga lider nga palig-onon ang kapasidad sa mga komunidad sa pag-atubang sa nagkalain-laing hagit.
Sa maong kalihokan, gipasalamatan usab ni Mayor Quimbo ang Sangguniang Bayan, ubos sa pagkapreside ni Vice Mayor Aljohn Garzon, alang sa padayon nga kooperasyon ug dedikasyon sa pagserbisyo sa mga Gutalacnon.
Gihatagan og gibug-aton nga bisan managlahi ang mga panan-aw ug pamaagi sa mga lokal nga opisyal, ang hiniusang tumong nagpabiling mao ang kaayohan ug kalamboan sa katawhan.(MEDALYN U. BORJA)
Source: LGU-Gutalac-Public Information