Sa nagkadool nga pagsaulog sa Kapaskuhan, mapinasigarbohong nanawagan ang City Government of Dipolog sa tanang opisina sa publiko ug pribado, negosyo, ug matag panimalay nga aktibong mosuporta sa Pasko sa Dipolog 2025 (PASADI) pinaagi sa pagbutang ug mga dekorasyon nga mosalamin sa tema karong tuiga nga “White Christmas.”
Sumala sa mensahe sa lokal nga pangagamhanan, ang inisyatiba nagtinguha nga mapalugwayan ang diwa sa panaghiusa ug kalipay sa Kapaskuhan pinaagi sa pagdekorar sa matag palibot, gikan sa mga unang opisina sa lokal nga gobyerno, pribadong kompanya, hangtod sa mga kabalay sa syudad. Ang paggamit sa suga, parol, ug uban pang puti-themed ornaments gitawag ug dakong tabang aron mabati ang mas hayag ug mas matahum nga Christmas atmosphere sa Dipolog.
Gipasabot sa LGU nga ang maong panawagan dili lamang para sa aesthetics, kondili usa usab ka pamaagi sa pagpadasig sa komunidad sa paghiusa uban sa ilang mga pamilya ug silingan, ug sa pagpaambit sa kalipay sa panahon sa Kapaskuhan.(IKEN B. GULLEM)
Source: Dipolog City Government