Naghatag ang LGU-Dapitan og upat ka bag-ong ligid alang sa BFP EMS ambulance human hapit na mahurot ang daang ligid tungod sa sunod-sunod nga emergency response sa Dapitan City.
Gisuportahan kini ubos sa liderato ni Mayor Evelyn T. Uy ug sa tabang ni City Administrator Danilo S. Areños Jr., aron masiguro nga luwas ug andam sa operasyon ang ambulansya sa matag emerhensiya.
Samtang niini, gi-check usab sa mga mekaniko ang Fire Engine 501 human makamatikod ang drayber og posibleng isyu sa preno, isip kabahin sa pagmintinar sa kahimtang sa fire apparatus.
Sumala sa Dapitan City Fire Station ubos ni Acting City Fire Marshal FSINSP Rommel M. Rojas, prayoridad ang kaluwasan sa publiko ug sa mga responder, ug padayon ang suporta sa LGU sa pagpalig-on sa serbisyo sa emerhensiya sa syudad.(JENIFFER JR. DELICA)
Source: City Government of Dapitan