Nakadawat og musical instruments ang San Isidro Elementary School sa Labason, Zamboanga del Norte ubos sa Healthy Learning Institution o HLI Program sa Department of Health niadtong Abril 15, 2026.
Gipahigayon ang turnover ceremony sa Zamboanga del Norte Convention and Sports Center sa Dipolog City uban sa partisipasyon sa DOH, DepEd, ug Provincial Government.
Sumala sa mga opisyal, tumong sa programa ang pagpalambo sa holistic learning sa mga estudyante ilabi na sa mga eskwelahan nga layo o lisod maabot, pinaagi sa pag-apil sa musika ug arte sa edukasyon.
Gipasalamatan sa eskwelahan ang maong tabang, nga matud pa makatabang sa pagpalambo sa talento ug kreatibidad sa mga estudyante, samtang gipasiugda nga ang panagtinabangay sa gobyerno magpadayon aron walay estudyanteng mabiyaan bisan sa layo nga lugar.(JENNIFER JR. DELICA)
Source: Zamboanga del Norte Provincial News Network