Dakpan ang usa ka 48 anyos nga lalaking nasakpang namaligya sa ginadiling drugas atol sa gikasa nga buy-bust operation sa mga personahe sa kapulisan mga alas 6:00 ang takna sa kagabhion sa niadtong Abril 14, 2026, didto sa Barangay Poblacion, Sindangan, Zamboanga del Norte.
Ang maong dinakpan naila nga usa ka lalaki,48 anyos, ulitawo, tag-iya sa gamay nga negosyo, ug residente sa nahisgutang barangay,kinsa gidakop pinaagi sa mga personahe sa Sindangan Municipal Police Station (MPS) sa Barangay Poblacion, Sindangan, Zamboanga del Norte, tungod pagbaligya ug gidudahang shabu ngadto sa usa ka undercover operative.
Atol sa operasyon nakumpiska sa operatiba gikan sa suspek ang nagkadaiyang heat-sealed transparent plastic sachet nga adunay sulod sa gituohang shabu ug mga butang nga dili druga.
Gibanabanang mutimbang sa 2.5 gramos ang gibug-aton sa nakumpiskang ilegal nga drugas nga adunay street value nga gibana-bana nga Php 17,000.00.
Ang mga nakumpiskang ebidensya sa droga ipadala sa Provincial Forensic Unit sa Liloy, Zamboanga del Norte alang sa laboratory examination. Samtang, ang nadakpan nga suspek anaa karon sa kustodiya sa Sindangan MPS alang sa hustong disposisyon ug pagpasaka sa tukmang kaso.(MEDALYN U. BORJA)
Source: ZNPPO