Dipolog: Lalaking nagpayuhot sa ilegal nga drugas, arestado

0
9
(Photo credits to the owner)

Arestado ang usa ka lalaki nga gituohang nagpayuhot sa ilegal nga drugas ,sa gipahigayon nga drug buy-bust operation sa mga personahe sa kapulisan,mga alas 4:41 sa hapon niadtong Hunyo 6,2024 didto sa South Curvada , Brgy Galas, ning dakbayan sa Dipolog.

Ang dinakpan naila nga si Rodolfo Bagasina Moroscallo, 63 anyos,lalaki, minyo, mekaniko,ug residente sa Purok Bayanihan, Brgy Sta. Filomena, Dipolog City, Zamboanga Del Norte.

Nasikop kini pinaagi sa mga personahe sa Dipolog CPS (SDET) pinangulohan ni PLT BERJOHN TIANOK (lead unit) kauban ang RDEU 9, ZNPDEU, 1st ZNPMFC ug sa pakig-alayon sa ZN PDEA 9.

Nasakmit gikan sa possession ug control sa suspek atol sa operasyon mao ang; Usa ka pc small sized heat-sealed transparent plastic sachet nga gituohang “shabu” Isip ebidensya sa buy bust, duha ka pc nga small sized heat-sealed transparent plastic sachet nga gituohang “shabu”, usa ka piraso sa 1,000 peso bill nga buy bust money; kuwarta nga nagkantidad ug 1,770 Pesos, usa ka unit nga cellphone LG brand color black nga adunay asul nga case cover, Usa ka panit nga pitaka nga kolor itom ang nagsilbing sudlanan sa “shabu”.

Ang mga narekober nga mga ebidensiya sa drugas, gibana-bana nga gibug-aton nga 1.5 gramos ug adunay standard nga presyo nga mobalor sa P10,200. (Medalyn U. Borja)

(Source: Dipolog CPS)

Leave a Reply