Sikop sa gikasa nga buy-bust operation sa mga personahe sa kapulisan ang usa ka lalaki, mga alas 3:00 sa kadlawon, Disyembre 26, 2024, didto sa Sitio Balik-Balik, Poblacion, Leon Postigo, Zamboanga del Norte.
Ang maong dinakpan naila nga usa ka 34 anyos, minyu ug residente sa Barangay Poblacion,kinsa gidakop tungod sa pagpayuhot sa ginadili nga drugas.
Nasikop kini pinaagi sa pagpanguna sa mga personahe sa Zamboanga del Norte Provincial Drug Enforcement Unit (ZNPDEU), uban sa koordinasyon sa Leon Postigo Municipal Police Station, ug nakumpiska sa kontrol ug posesyon sa suspek ang Usa ka piraso nga heat-sealed transparent plastic sachet sa gituohang “shabu”, Singkwenta ka gagmay nga heat-sealed transparent plastic sachet sa gidudahang “shabu” nga adunay gibug-aton nga gibana-bana nga 10 gramos, Usa P500 isip buy-bust money ug tulo ka P 500 bills nga boodle money,Duha ka glass tooters,Usa ka linukot nga tin foil, Usa ka heat sealer,Usa ka keypad-type nga cellphone, Usa ka Colt .45 caliber pistol nga adunay pito ka buhing bala.
Ang mga nakumpiska nga mga butang gu-turnover ngadto sa Zamboanga Sibugay Provincial Forensic Unit alang sa eksaminasyon.
Samtang ang suspek anaa sa kustodiya sa Leon Postigo MPS alang sa tukmang disposisyon ug pagpasaka og kaso. (Medalyn U. Borja)
(Source: ZNPPO)