Nasikop sa kapulisan ang usa ka 19 anyos nga lalaki kinsa nangawat ug italari nga manok gikan nga gipanagiyahan sa usa ka 53 anyos, mga alas 9:00 sa buntag niadtong Disyembre 3, 2024.
Ang dinakpan naila nga Florante Cabalida Cristobal Jr. samtang ang tag-iya sa maong gikawat nga manok naila nga si Alan Abapo Serquiña, 53 anyos, residente sa Barangay Poblacion, Sindangan, Zamboanga Del Norte.
Matod sa Sindangan Municipal Police Station nakadawat silang report mga alas 8:30 sa buntag, diin gipahibalo sa biktima nga si Alang nga ang suspek nga si Florante nasakpan nga namaligya sa gikawat nga manok sa Sindangan Public Market.
Diha gilayon gerespondehan sa responding team nga gipangulohan sa Sindangan MPS ug nipadulong sa lugar.
Base sa imbestigasyon nasayran nga alas 6:50 sa buntag nadiskubrehan sa biktima nga nawala ang iyang fighting cock diin siya nakadawat og impormasyon gikan sa higala ug tindera sa merkado nga si Alexander Fiel, ug didto positibong giila sa biktima ang italari nga manok nga gibaligya sa suspek ug giangkon sa suspek nga gikuha niya ang manok sa pinuy-anan sa biktima.
Ang suspek gidakop sa dapit nga nahitaboan ug gipahibalo sa iyang mga katungod sa konstitusyon, lakip ang Miranda Warning ug ang Anti-Torture Warning ug gi-refer siya sa Sindangan District Hospital alang sa medical examination ug anaa na karon sa kustodiya sa Sindangan MPS alang sa pagpasaka og tukmang kaso batok kaniya. (Medalyn U. Borja)
(Source: ZNPPO)