Adunay report sa Regional Office-9 nga posibleng patay na ang gikidnap nga American National nga Eastman niadtong bulan sa Octobre ning tuiga sa lungsod sa Sibuco, Zamboanga del Norte.
Matud pa kang acting spokesperson sa Police Regional Office 9 nga si PLtCol. Romancelio Sawan, usa sa tinubdan nga saksi ang misaysay nga namatay na si Eastman ana pang gabhiona sa pagkidnap kaniya,tungod matod pa sa daghanan ng dugo nga nang gawas tungod sa samad pinusilan sa tiyan ug tiil niini ug gilabay na lamang sa dagat ang patayng lawas niini samtang nagsakay sa bangka.
Kompirmado usab kini sa usa sa mga suspek nga mibutyag sa tinoud nga hitabo diin usa kini sa nalambigit sa pagkidnap kang Eastman diin nasikop kini mga kapolisan sa mga nakalabayng semana.
Ang maong mga dinakpan gitugyan na usab dayun sa piskalya ang extrajudicial confession sa nasangpit nga suspek aron mahimuan ug affidavit.
Pero matud pa ni PLtCol. Sawan, dili pa sila sigurado o kombinsido nga patay na ba gyud ang American National hangtod nga walay makita nga patayng lawas ni Eastman.
Dugang saysay kaniya nga dili pa usab nila ipagawas nga patay na gayud kini sa publiko. Ug hantud karon padayon sa gihapon ang pagpangita sa gikidnap nga si Eastman. (Angelica T. Obina)
(Source: ZNPPO)