Ang lalaking naghikog anaa na karon sa luwas nga kahimtang nga misulay unta sa pagkutlo sa iyang kaugalingong kinabuhi, hulyo 2,2024 didto sa Barangay Minaog ning dakbayan sa Dipolog.
Ang biktima tawgon ta sa pangalan nga alyas Janjan, 28 anyos ang panuigon, ulitawo ug nagpuyo sa nahisgutang lugar, nakaangkon ug duha ka samad sa wala ug tuo nga bahin sa kilid sa iyang liog ug pagka human giluba na niya iyang kaugalingon sa usa ka gunting.
Matud pa sa mga silingan nga nakasaksi sa maong panghitabo dali dayun nangayo ug tabang ang manghod sa biktima human kining nanirado sulod sa iyang kwarto nga ga dala sa maong gunting. Sa wa pa nahitabo ang pag unay ug luba sa iyang kaugalingon, nag inilugay pa ang babayeng manghod niini sa gunting apan dili kini makadaug kay kusgan kaau ang magulang nga si Janjan gani ang manghud nasamad usab sa kamot sa ilang pag inilugay.
Ang SWAT TEAM sa Dipolog Ciy dali dayung miresponde human nakadawat sa tawag ug dihadiha dayun ilang gipugos pag abri ang pultahan sa kwarto sa biktima apan ulahi na kini kay nagluba na sa iyang kaugalingon ug dali usab kining gidala sa balay tambalanan para sa hinanaling pag atiman sa biktima.
Sa pagkakaron anaa na sa Corazon C. Aquino Hospital ang biktima ug luwas na ang kahimtang pero matud pa dili ra usab lawom ug grabe ang samad nga naangkon.Padayon sa gihapon ang pagmonitor sa kahimtang niini kay matud pa adunay ugat nga naigo sa parte sa liug sa biktima.
Saysay sa manghud nga sa wa pa mahitabo ang iyang magulang daw dunay makita or ika strya nga tawo nga dili nila makita.
Sila gatuo nga nagka depression iyang magulang hinungdan nga misulay kini sa paghikog. (Angelica T. Obina)
(Source: DPS)