Sikop sa gikasa nga Buy-bust Operation sa mga personahe sa kapulisan ang usa ka Lalaki nga gikataho nga SLI, mga alas 10:45 sa buntag, Agosto 5,2024, didto sa Purok Buli, Brgy Minaog, dakbayan sa Dipolog.
Ang operasyon miresulta sa pagka sikop sa usa ka 26 anyos nga Lalaki, ulitawo, walay trabaho ug residente sa Obay, Polanco, Zamboanga Del Norte.
Nasikop kini pinaagi sa mga personahe sa Dipolog CPS (SDET) pinangulohan ni PLTCOL EDWIN D VERZON (lead unit) kauban ang RDEU 9, ZNPDEU, ug 1st ZNPMFC sa koordinasyon sa ZN PDEA 9.
Nasakmit gikan sa ipossession ug control atol sa operasyon ang Usa ka piraso small sized heat-sealed transparent plastic sachet nga gituohang “shabu”, Duha ka piraso nga Big sized heat-sealed transparent plastic sachet nga gituohang “shabu”, Usa ka piraso sa 1,000-peso bill isip buy bust money, Usa ka gunting nga adunay asul nga gunitanan,Usa ka unit sa Cellphone Vivo Brand nga kolor pula nga adunay sim card.
Gibana-bana nga mutimbang sa 2 gramos ang gibug-aton sa drugas ug adunay standard nga presyo nga mobalor sa P13,600.
Ang mga nakumpiska nga drug items ang i-turn over sa ZDN Provincial Forensic Unit para sa eksaminasyon, samtang ang nasikop nga suspek gitanggong ubos sa protective custody sa Dipolog CPS alang sa tukmang disposasyon. (Medalyn U. Borja)
(Source: Dipolog CPS)