Nasikop sa kapulisan ang usa ka Lalaki nga gikataho nga usa ka Street Level Individual (SLI) sa gipahigayon nga buy bust operation, mga 12:11 sa kadlawon, Hulyo 4, 2024, didto sa Purok D’Beach, Brgy. Sicayab, ning dakbayan sa Dipolog.
Ang dinakpan usa ka 42 anyos, lalaki, ulitawo, driver, ug residente sa Purok 4, Brgy. Sta. Isabel, dakbayan sa Dipolog.
Nasikop kini pinaagi sa mga personahe sa Dipolog CPS (SDET) pinangulohan ni PLT. JULITO PAMALAN (lead unit) kauban ang RDEU 9, ZNPDEU, ug 1st ZNPMFC sa koordinasyon sa ZN PDEA 9.
Nasakmit gikan sa possession ug control sa suspek atol sa operasyon mao ang Usa ka piraso sa small sized heat-sealed transparent plastic sachet nga gituohang “shabu” , Usa ka piraso sa 1,000-peso bill isip buy bust money; Usa ka unit nga cellphone Touch Screen OPPO Brand color light blue nga adunay sim card; ug Usa ka wallet nga kolor itom.
Ang narekober nga drugas gibana-bana nga 1 ka gramos ug adunay standard nga presyo nga mobalor sa P6,800.
Gi-turn over ngadto sa ZDN Provincial Forensic Unit para sa eksaminasyon.
Samtang,ang suspek gitanggong ubos sa protective custody sa Dipolog CPS alang sa tukmang disposasyon. (Medalyn U. Borja)
(Source: Dipolog CPS)