Tingkagol karon sa prisohan ang usa ka 72 anyos nga lalaki human gi-aresto sa mga tinugyanan sa balaod, mga alas 11:20 ang takna sa buntag, niadtong Marso 4, 2025 didto sa Purok 5, Brgy. Capase, Roxas, Zamboanga del Norte.
Ang dinakpan naila nga si Esmeraldo Eran Cubillo,72 anyos, lalaki, minyo, walay trabaho ug lumulupyo sa susamang Barangay, kinsa gi aresto sa mga personahe sa Roxas MPS tracker team, sa koordinasyon sa 901st RMFB9 ug 1st ZNPMCC.
Gi aresto kini pinasikad sa warrant alang sa krimen nga Frustrated Homicide nga giisyu ni Hon. Florendo B. Opay, Acting Presiding Judge sa RTC, 9th Judicial Region, Dipolog City, Zamboanga del Norte, pinetsahan og Nobyembre 29, 2024 nga adunay piyansa nga girekomendar nga mobalor sa P12,000.00 alang sa iyang temporaryong kagawasan.
Ang dinakpan gipahibalo sa iyang mga katungod sa konstitusyon ug anaa na kini sa kustodiya sa Roxas MPS alang sa tukmang disposasyon. (Medalyn U. Borja)
(Source: ZNPPO)