Gidakop sa tinugyanan sa balaod ang usa ka 36 anyos nga Lalaki mga alas 5:50 ang takna sa hapon, Enero 9, 2025 didto sa Barangay Birayan, Rizal. Zamboanga del Norte.
Ang maong dinakpan naila nga si Erwin Banawa nga residente sa samang barangay, kinsa gidakop sa mga operatiba sa Rizal Municipal Police Station (MPS), sa pakigtambayayong sa mga personahe sa 1st Provincial Mobile Force Company (PMFC) tungod sa paglapas sa Republic Act 8048 nga gi-amendar sa Republic Act 10593.
Gidakop kini pinaagi sa warrant of arrest, ubos sa Criminal Case No. 3067-R, nga giisyu ni Hon. Vittorio Dante D. Dalman, Presiding Judge sa Regional Trial Court, 9th Judicial Region, Sibutad, Zamboanga del Norte, pinetsahan Enero 8, 2025, nga adunay girekomendar nga piyansa nga Php 36,000.00 alang sa temporaryo nga kagawasan.
Ang dinakpan gipahibalo sa iyang mga katungod sa konstitusyon ug anaa na karon sa kustodiya sa Rizal MPS alang sa tukmang disposisyon ug nagpaabot sa pagbalik sa warrant of arrest ngadto sa nag-isyu nga korte. (Medalyn U. Borja)
(Source: ZNPPO)