Sikop sa gipahigayon nga intel-driven operation sa mga personahe sa kapulisan ang usa ka 20 anyos nga Lalaki, sa may alas 9:15 ang takna sa kabuntagon Enero 9, 2025.
Nailhan ang maong dinakpan nga si Abdurahman Ahil Antao, residente sa Barangay Mucas, Salug, Zamboanga del Norte, kinsa gisikop sa mga sakop sa Tracker Team sa Salug Municipal Police Station (MPS), uban sa koordinasyon sa 2nd Provincial Mobile Force Company (PMFC),tungod sa paglapas sa RA 7610.
Ang pagkasikop gihimo pinaagi sa warrant nga giluwatan sa Regional Trial Court (RTC) Branch 28, Liloy, Zamboanga del Norte, tungod sa paglapas sa Section 10(A) sa Republic Act 7610, pinetsahan og Disyembre 5, 2024, nga gipirmahan ni Hon. Grace C. Tillah, nga adunay girekomendar nga piyansa nga Php 24,000.00 alang sa temporaryong kagawasan.
Ang dinakpan nga indibidwal gipahibalo sa ilang mga katungod sa konstitusyon, lakip na ang Miranda Warning ug Anti-Torture Act, ug anaa na sa kustodiya sa Salug MPS alang sa tukmang disposisyon ug dugang legal nga proseso. (Medalyn U. Borja)
(Source: ZNPPO)