Arestado ang usa ka Lalaki sa gipahigayong buy-bust operation batok sa illegal nga drugas didto sa Purok Laoy, Brgy Olingan, Dipolog City mga alas 9:56 sa gabii niadtong Pebrero 6,2024.
Giila ang dinakpan nga si Fedil Ratificar Coronel, 52 anyos, lalaki, ulitawo, negosyante, nailhang usa ka SLI/ D.I Watchlist ug residente sa Purok Forever, Brgy Olingan, Dipolog City nailhang SLI/ D.I Watchlist.
Nasikop ang suspetsado sa hiniusang operasyon sa mga personahe sa Dipolog CPS (SDET) nga gipangulohan ni PLT BERJOHN TIANOK, kauban ang RDEU 9, ZNPDEU, RA-ZN RID 9,1st ZNPMFC,901st RMFB 9 ug sa koordinasyon sa ZN PDEA 9.
Atol sa operasyon,nasakmit gikan sa suspetsado ang usa ka pakete sa small size heat-sealed transparent plastic sachet nga adunay sulod nga white crystalline granules nga gituohang “shabu” isip buy-bust evidence, usa ka piraso sa P1,000 bill nga gigamit isip buy bust money, ug usa ka pakete nga gamay nga piraso sa papel nga gisilbi nga sudlanan.
Ang gidudahang delikado nga drugas motimbang ug usa ka gramos ug adunay standard price nga mobalor sa P6,800.
(Medalyn U. Borja)