Gisugdan pag-usab sa Task Force Alambre, nga gipangulohan sa Office of the Building Official (OBO), ang laing hugna sa cable clearing operations kaniadtong Nobyembre 14, 2025, sa kadalanan sa Egot, Barangay Estaka.
Ang operasyon naglakip sa pagtangtang ug pag-ayo sa mga nagbitay nga kable, mga daang linya, ug uban pang sagbot nga nagtapok sa poste ug kalsada. Gitinguha niini nga malikayan ang peligro nga mahimong hinungdan sa aksidente, labina panahon sa kusog nga hangin o pag-ulan, ug aron masiguro nga hapsay ang paglihok sa katawhan ug sakyanan sa lugar.
Ang paghan-ay sa mga kable usa usab ka lakang aron mapalambo ang seguridad sa mga residente ug malikayan ang posibleng peligro nga mahimong hinungdan sa sunog o electrocution.
Nagpamatuod kini sa paningkamot sa lokal nga pangagamhanan sa paghatag ug luwas, limpyo nga komunidad, ug sa paghimo ug mas tin-aw ug mas hapsay nga pagpanginabuhi alang sa mga taga-Dipolog.(IKEN B. GULLEM)
Dipolog City Government