Anaa sa 5,264 ang nabakunahan nga mga iro ug iring sa Anti-Rabies Mass Vaccination sugod Pebrero 7 hangtod Marso 30 duyog sa selebrasyon sa Rabies Awareness Month.
Gibutyag ni Dr. Roy Pagador ang hepe sa City Veterenarian Office nga gihatod nila sa 48 ka mga barangay ang serbisyo nga pagpamakuna ug mapasalamaton siya tungod kay anaa ang lokal nga gobyerno nga andam sa paghatag ug mga vaccine batok anti-rabies.
Nasuta nga anaa sa kapin kon kulang siyam ka libo ka mga iro ug iring sa dakbayan target sa buhatan nga mabakunahan ang tanan tungod usa ka impeksyon sa tawo nga mahitabo pagkahuman sa usa ka transdermal nga pinaakan o garas.
Tumong usab niini nga mapugngan ug makontrol ang impeksyon sa rabies pinaagi sa paghatag ug pagpasiugda sa mga bakuna nga dali makuha, kauban ang edukasyon ug kahibalo sa rabies ngadto sa publiko.
Tungod sa maong kalambuan, bukas ang buhatan sa City Veterinary sa mga gusto magpabakuna sa ilang iro ug iring Lunes hangtod Biyernes gikan sa alas 8 sa buntag hangtod na sa alas 5 sa hapon.
(Source: City Government of Dapitan Facebook page)