Pinaagi sa pagdumala ni Mayor Ricky R. Cuenca, ang Lokal nga Pangagamhanan sa La Libertad aktibong misuporta sa Government Energy Management Program (GEMP) sa Department of Energy. Gipadayag sa LGU ang ilang pagtugot ug kooperasyon pinaagi sa pagsumite sa Building Information alang sa tuig 2025.
Ang maong kalihokan nagtimaan sa paningkamot sa lungsod nga mapauswag ang episyente nga paggamit sa enerhiya ug mapamubo ang konsumo sa kuryente sa mga pasilidad sa gobyerno.
Pinaagi sa responsableng pagdumala sa enerhiya, padayon nga naningkamot ang La Libertad nga magtukod og berde, episyente, ug malungtarong kaugmaon alang sa tanan nga Libertadnon. (JENIFFER JR. DELICA)
Source: Municipality of La Libertad ZN