Mas gipakusgan sa lokal nga pangagamhanan ug partner agencies sa Dapitan City ang koordinasyon alang sa mas episyente nga pagpatuman sa mga programa sa social protection, atol sa ikatulong City Inter-Agency Committee Meeting sa Pantawid Pamilyang Pilipino Program niadtong Septiyembre 29,2026.
Gipangulohan ni Vice Mayor Gabriel Cad ang tigom, uban sa partisipasyon ni City Councilor Jeneth N. Baje, CSWDO Marilyn S. Sy, ug mga representante sa nagkalain-laing partner agencies ug stakeholders.
Gitutokan sa diskusyon ang mga update ug kahimtang sa Pantawid Pamilyang Pilipino Program, Sustainable Livelihood Program (SLP),ug Walang Gutom Program.
Gihisgutan usab ang mga isyu ug panginahanglan nga may kalabotan sa pagpatuman sa mga programa aron matubag dayon ang mga kabalaka ug mapauswag ang serbisyo alang sa mga benepisyaryo sa Dapitan City.
Pinaagi sa padayong pagtinabangay sa lokal nga pangagamhanan, mga ahensya ug stakeholders, gilauman nga mas mapalig-on ang paghatod sa mga programa ug serbisyo nga nagtumong sa kaayohan ug panginahanglan sa mga pamilyang benepisyaryo.(MEDALYN U. BORJA)
Source: Pantawid Pamilyang Pilipino Program- Dapitan City