Gipahigayon ang Drug Abuse Preventive Education Seminar niadtong Septiyembre 28, 2026 sa Barangay Caracol, Salug, isip kabahin sa padayong kampanya sa pagpataas sa kahibalo sa komunidad batok sa pag-abuso sa ilegal nga droga.
Gipahigayon ang kalihokan pinaagi sa hiniusang paningkamot sa Philippine National Police (PNP), Philippine Drug Enforcement Agency (PDEA), ug mga opisyal sa barangay.
Gitutokan sa seminar ang paghatag og tukmang impormasyon ug edukasyon ngadto sa mga residente, ilabi na sa kabatan-onan, aron mas masabtan ang mga risgo ug epekto sa pag-abuso sa droga.
Gipasiugda usab sa kalihokan ang kamahinungdanon sa aktibong partisipasyon sa komunidad sa pagpugong sa paglapnag sa ilegal nga droga.
Pinaagi sa panaghiusa, pag-amuma sa kabatan-onan ug kooperasyon tali sa mga awtoridad ug mga residente, gilauman nga mapalig-on ang paningkamot alang sa mas luwas ug himsog nga komunidad sa Barangay Caracol.(MEDALYN U. BORJA)
Source: Barangay Caracol