Gitigom niadtong Enero 27 sa Rizal Budgetel, Barangay North Mapang, ang mga kabatan-onan sa lungsod sa Rizal alang sa programa sa Kabataan Kontra Droga at Terorismo(KKDAT) ug Rizal Inclusive Voices for Empowerment and Non-Discrimination on Sexually Transmitted Infections, Human Immunodeficiency Virus ug Acquired Immunodeficiency Syndrome.
Gitambongan kini sa mga Social Welfare interns ug nagkalain-laing kabatan-onan, nga gitumong sa pagpalig-on sa ilang papel batok sa iligal nga droga, terorismo ug diskriminasyon, lakip ang pagpalapad sa kahibalo bahin sa Human Immunodeficiency Virus ug Acquired Immunodeficiency Syndrome, ubos sa temang “One Youth, One Voice, One Inclusive Community.”
Sa mensahe ni Gobernador Darel Dexter T. Uy, iyang gi-awhag ang kabatan-onan nga magpabiling alerto, disiplinado ug responsable, samtang gipasiugda sa mga resource speaker nga sila Police Staff Sergeant Lyndon Bryan D. Elma ug Dr. Yazmir Alrad M. Atong ang kahinungdanon sa kahibalo ug proteksyon sa kaugalingon. Natapos ang programa sa pagpili ug panumpa sa mga opisyal sa Kabataan Kontra Droga at Terorismo.(JENIFFER JR. DELICA)
Source: Zamboanga del Norte Provincial News Network