Nagpahigayon og Emergency Medical Services standby ang Bureau of Fire Protection Dipolog City Fire Station niadtong Enero 27, 2026, atol sa nagpadayong Zamboanga del Norte–Dipolog–Dapitan Athletic Association Meet(ZANDIDAA) 2026 sa Jose Rizal Memorial State University, ilabi na sa Arnis nga kategorya.
Ang EMS team, ubos sa pagpanguna ni FSINSP Aprilyn B. Barbaso, gipakatap aron masiguro ang paspas nga pagresponde ug agarang paghatag og medikal nga tabang kung adunay emerhensiya atol sa mga duwa.
Ang maong kalihokan nagpakita sa lig-on nga kaandam ug tinud-anay nga serbisyo sa BFP sa pagpanalipod sa kahimsog ug kaluwasan sa mga atleta, opisyales, ug manan-away sa maong dako nga kalihukan sa probinsya.(JENIFFER JR. DELICA)
Source: BFP R9 Dipolog City Fire Station