Misalmot ang mga personnel sa Katipunan Municipal Police Station sa Municipal Resilience Team (MReST) Organizational Meeting nga gipahigayon ubos sa KALAHI-CIDSS program niadtong Agosto 6, 2026 sa lungsod sa Katipunan.
Gipangulohan ang partisipasyon sa kapulisan ni PMAJ Evelyn F. Porras, Acting Chief of Police, pinaagi kang PLT Chrissa Mae G. Patriana, Deputy Chief of Police, atol sa maong kalihokan nga gitambongan usab sa nagkadaiyang government agencies ug stakeholders.
Uban sa suporta sa Local Government Unit nga gipangulohan ni Municipal Mayor Jose Michael Meiko A. Wong, gihisgutan sa miting ang implementasyon, monitoring ug evaluation sa mga kasamtangan ug gisugyot nga KALAHI-CIDSS projects ug programs sa lungsod.
Tumong sa MReST meeting nga mapalig-on ang koordinasyon sa nagkadaiyang ahensya ug stakeholders aron masiguro nga ang mga proyekto motubag sa tinuod nga panginahanglan sa mga komunidad ug mahiuyon sa lokal nga development ug resilience priorities.
Gipasiugda usab sa miting ang hiniusang pagplano, pagpaambit sa resources ug aktibong partisipasyon sa komunidad isip mga importanteng elemento sa malampusong pagpatuman sa mga development initiatives.
Pinaagi sa pag-apil niini, gipakita sa Katipunan Municipal Police Station ang suporta sa Philippine National Police sa Whole-of-Government Approach, ilabi na sa pagmintinar sa peace and order ug paghatag og security assistance atol sa pagpatuman sa mga proyekto sa komunidad.
Nagpadayon usab ang kapulisan sa pagtinabangay uban sa mga partner agencies aron masuportahan ang hapsay ug tukmang paghatod sa mga programa ug serbisyo ngadto sa mga residente sa Katipunan.(IKEN B. GULLEM)
Source: Katipunan Municipal Police Station ZNPPO