Ubos sa pagpanguna ni OIC City Administrator Danilo S. Areños Jr., gihuman sa City Government of Dapitan ang katapusang mga preparasyon alang sa La Lumbre de Rizal 2026 aron masiguro ang hapsay ug malampusong pagsaulog sa makasaysayang pag-abot ni Dr. Jose P. Rizal sa siyudad.
Atol sa final coordination meeting nga gipahigayon niadtong Hulyo 15 sa Session Hall sa Sangguniang Panlungsod, girepaso sa mga department heads ug mga miyembro sa konseho ang programa ug operational plans alang sa mga kalihokan nga ipahigayon karong Hulyo 17.
Lakip sa gitalakay ang mga preparasyon alang sa commemorative program sa Punto de Desembarco, Lantern Motorcade, ug cultural presentation sa Kinabayo Festival Site aron masiguro ang organisado ug hapsay nga pagpatuman sa matag kalihokan.
Gipasalamatan usab ni Areños ang mga city departments, national government agencies, uniformed personnel, volunteers, ug partner stakeholders sa ilang panaghiusa ug dedikasyon, ilabina sa ilang kontribusyon sa malampusong pagpahigayon sa Kinabayo 2026 Opening Parade.(IKEN B. GULLEM)
Source: Dapitan City Government