Nagkahiusa ang kapulisan sa Katipunan, kabatan-onan, ug lokal nga pangagamhanan sa usa ka makahuluganon nga dagan alang sa kalinaw ug panaghiusa atol sa KatipuneRun 2026, nga gipahigayon sa Katipunan Municipal Plaza, Brgy. Uno, isip pagdumdom sa 112th Araw ng Katipunan.
Gi-organisar ang kalihokan sa Zamboanga del Norte Police Provincial Office (ZNPPO) ubos sa pagpanguna ni PCPT Jonathan T. Lagang, Officer-in-Charge, kauban si PCOL Reydante E. Ariza, Acting Provincial Director, sa pakigtambayayong sa Kabataan Kontra Droga at Terrorismo (KKDAT) – Katipunan Chapter nga gipangulohan ni Ashley Nicole R. Epo, ug sa Sangguniang Kabataan Federation nga ginamunuan ni Cynthia Sargento.
Gihatagan usab kini og bug-os nga suporta sa LGU-Katipunan ubos sa liderato ni Municipal Mayor Hon. Jose Michael Meiko A. Wong.
Subay sa tema nga “Dagan sa Bag-ong Katipunan,” ang KatipuneRun 2026 nagtumong sa pagpalig-on sa panaghiusa sa komunidad, pagpataas sa kahibalo sa publiko, ug pagdasig sa aktibong partisipasyon sa kabatan-onan sa mga programa nga nagsuporta sa kalinaw, kahusay, ug kalamboan.
Kini nga kalihokan nagpakita sa lig-on nga panaghiusa sa nagkalain-laing sektor sa Katipunan sa pagpalig-on sa mga inisyatiba alang sa malinawon, luwas, ug progresibong komunidad.(IKEN B. GULLEM)
Source: Katipunan Municipal Police Station ZNPPO