Mipakita ug dakong suporta sa kapulisan si PMAJ Roger A. Bartiana, OIC sa Police Community Affairs and Development Unit (PCADU) sa pagtambong duyog sa pag abri sa Drug Abuse Prevention and Control (DAPC) Week nga gipahigayon sa Perfecto C. Cebedo Cultural and Sports Center lungsod sa Rizal.
Ang maong kalihukan nagtigum sa dagkong opisyal sa lokal nga pangagamhanan ug partner agencies, lakip sa mitambong mao si Municipal Vice Mayor Hon. Jose B. Salac, Municipal Health Officer Dr. Yazmir Alrad M. Atong, MLGOO Lenin Marc H. Ramos, ug PDEA Region IX Chief of Operations IA III Dorothy Joy Villoso. Nakighiusa sab ang mga barangay chairpersons ug mga miyembro sa Kabataan Kontra Droga at Terorismo (KKDAT).
Gipasiugda karong tuiga sa DAPC Week ang hiniusang paningkamot sa pagpalig-on sa kaalam kabahin sa peligro nga dala sa paggamit ug droga ug pagpadayon sa kooperasyon tali sa LGU, law enforcement agencies, ug komunidad. Gisentro usab niini ang dakong papel sa kabatan-onan ug katawhan sa pagdasig ug pagpanalipod sa usa ka luwas, himsog, ug drug-free nga katilingban.(IKEN B. GULLEM)
Source: Zamboanga del Norte Police Provincial Office
