Gipahigayon sa kapulisan ang awareness campaign sa Barangay Oyan, Dapitan City niadtong Disyembre 4, 2025, pinaagi sa pagbisita sa barangay ug eskwelahan samtang nag-apod-apod og Information, Education and Communication (IEC) materials aron mapalapad ang impormasyon sa kahimsog ug kaluwasan.
Nag-uban sa kalihokan ang Community Affairs and Development Section (CCAD) nga gipangulohan ni PSSg Manuel Projo III, ang 97th Infantry Battalion, 1st Provincial Mobile Force Company, mga barangay tanod ug opisyal, ubos sa supervision ni PLTCOL Eva Joy E. Capurcos. Ang aktibidad kabahin sa Strong Police Presence initiative nga tumong palig-onon ang relasyon tali sa kapulisan ug komunidad.
Padayon ang kapulisan sa Dapitan sa pagpalambo sa kahibalo sa publiko ug pagpasiugda sa kahapsay ug seguridad sa lugar.(JENIFFER JR. DELICA)
Source/Photo Courtesy: Dapitan City Police Station ZNPPO