Mitabang ang mga kapulisan sa pagpaayo sa pasilidad sa usa ka grupo sa mga mag-uuma pinaagi sa pag-instalar sa electrical outlets ug switches sa Barangay Kayok sa lungsod sa Liloy niadtong Marso 7.
Ang kalihokan gipangulohan sa mga personnel sa Philippine National Police – Zamboanga del Norte 2nd Provincial Mobile Force Company (PMFC) pinaagi sa Revitalized Police Sa Barangay (R-PSB) team ubos sa pagdumala ni Edwin D. Verzon.
Gihimo ang inisyal nga pag-instalar sa kuryente alang sa pasilidad sa Kahugpungan ng Makugihun na Magsasaka sa Kayok, sa pakigtambayayong ni James Dacula, presidente sa asosasyon sa mga mag-uuma.
Sumala sa kapulisan, ang proyekto gitumong sa pagpaayo sa pasilidad sa mga mag-uuma samtang gipalig-on usab ang panagtambayayong tali sa pulis ug komunidad aron suportahan ang lokal nga agrikultura ug kalamboan sa barangay.(IKEN B. GULLEM)
Source: Zamboanga del Norte 2nd PMFC