Mukabat sa P343,800 nga balor sa smuggled nga sigarilyo ang nasakmit sa mga otoridad sa gipahigayong operasyon didto sa Purok Rosal, Sta. Filomena, ning dakbayan sa Dipolog.
Ang nasangpit nga operasyon miresulta sa pagkasikop sa usa ka lalaki nga suspek, 53 anyos, lalaki, minyo, ug residente sa Purok Rosal, Sta. Filomena, Dipolog City,
Nasikop kini pinaagi sa usa ka Joint Intel Driven Operation uban sa mga Operatives gikan sa RID9, RA Team Zamboanga del Norte nga gipangunahan ni PMSg Ronald C. Wapelle kauban ang Dipolog CPS pinangulohan ni PLT JULITO T PAMALARAN, Chief Intel, Dipolog CPS ug ZNPIU personnel.
Atol sa operasyon nasakmit ang 6 ka kaha/kahon sa gidudahang smuggled nga sigarilyo sama sa; 5 ka kahon sa NEW BERLIN ug 1 ka kahon sa PREMIEX nga gibanabana nga market value nga mobalor sa P343,800 ug adunay BOC Standard Price P57,300 matag master case.
Ang mga nakumpiska nga gidudahang smuggled nga sigarilyo gidala ngadto sa Dipolog CPS alang sa dokumentasyon ug pagpasaka sa tukmang kaso batok sa suspek. (Medalyn U. Borja)
(Source: Dipolog CPS)