Kapin sa 1 ka gramo sa ilegal nga drugas ang malampusong nakumpiska sa mga personahe sa kapulisan gikan sa usa ka drug suspek atol sa gikasa nga buy-bust operation mga alas 9:20 ang takna sa kagabhion niadtong Abril 20, 2026.
Ang maong dinakpan naila usa ka 42 anyos nga lalaki, minyo, mag-uuma, ug residente sa Barangay Guimotan, Baliguian, Zamboanga del Norte kinsa gidakop pinaagi sa mga operatiba sa MDET sa Baliguian Municipal Police Station (lead unit), uban sa mga personahe sa 2nd ZNPMFC, tungod sa kasong paglapas sa RA 9165.
Atol sa operasyon, nakumpiska sa mga awtoridad ang gibana-bana nga 1.15 gramos nga gituohang shabu nga adunay gibanabanang kantidad nga Php 7,820.00, lakip ang mga ebidensya sa buy-bust, pipila ka mga sachet nga adunay sulod nga gituohang shabu, mga gamit sa droga marked money, lakip ang usa ka hinagiban
Ang dinakpan nga suspek gipahibalo sa iyang mga katungod sa konstitusyon ug gidala sa usa ka lokal nga health unit alang sa medikal nga eksaminasyon sa dili pa dad-on sa Baliguian Municipal Police Station alang sa hustong disposisyon.
Samtang ang nakumpiska nga ebidensya sa droga itugyan ngadto sa provincial forensic unit alang sa laboratory examination.(MEDALYN U. BORJA)
Source: ZNPPO