Kabsan sa iyang hinulmang kinabuhi ang usa ka 53 anyos nga mag-uuma homan kini gipusil-patay sa usa ka 42 anyos nga mag-uuma ra usab mga alas 5:40 ang takna sa hapon niadtong Abril 20, 2026, Siayan sa Zamboanga del Norte.
Ang maong biktima naila nga usa ka lalaki,minyo, mag-uuma ug residente sa Sitio Ara, Barangay Seriac, Siayan, Zamboanga del Norte kinsa gipusil sulod sa iyang puy-anan sa suspek nga nailhang usa ka 42 anyos lalaki, minyo, mag-uuma, ug residente sa samang lugar.
Sinisyal nga imbestigasyon, nagbutyag nga ang biktima nakaangkon og mga samad pinusilan sa dughan human ang mga silingan nagtaho nga nakadungog og buto sa pusil ug nakit-an na lamang kini nga wala nay kinabuhi sulod sa iyang balay.
Tungod niini daling miresponde ang mga personahe sa Siayan Municipal Police Station, kauban ang mga elemento sa 1st ZNPMFC ug ang Forensic Team gikan sa Liloy Satellite Forensic Office ug mihimo ug usa ka follow-up operation sa balay sa suspek.
Sa pag-abot sa responding team, ang suspek giingong mipusil ngadto sa mga pulis ug agig tubag, gibalsan usab kini og pusil sa kapulisan alang sa depensa sa ilang kaugalingon, nga miresulta sa pagka-neutralize sa suspek.
Nakuha gikan sa suspek ang usa ka kalibre .38 nga revolver nga puno sa mga bala ug cartridges.
Ang biktima ug ang suspek parehong gidala sa balay tambalanan, diin sila gideklarar nga dead on arrival ug sa pagkakaron padayun pa ang gihimong imbestigasyon. (MEDALYN U. BORJA)
Source: ZNPPO