Gipahigayon sa Department of Agrarian Reform (DAR) ang distribusyon sa yuta, mga titulo, ug makinarya alang sa kapin 670 ka Agrarian Reform Beneficiaries (ARB) sa Zamboanga del Norte niadtong Oktubre 29, 2025, sa Mega Gym, Provincial Government Compound, Dao, Pagadian City. Ang kalihokan naglatid sa paningkamot sa gobyerno nga mapalig-on ang kabuhayan ug kagawasan sa mga mag-uuma pinaagi sa paghatag og kaugalingong yuta ug kagamitan sa pagpanguma.
Gipangulohan ni DAR Secretary Conrado Estrella III ang maong kalihokan uban ang mga opisyal gikan sa central ug regional office nga mitabang sa pormal nga turnover sa mga land titles, Certificates of Condonation with Release of Mortgage (COCROMs), ug mga farm machineries sa mga benepisyaryo. Sa tibuok probinsya, 145 ka e-titles ug 31 ka regular titles ang gipanghatag ubos sa SPLIT Project, samtang 587 ka COCROMs ang nakapahimulos sa kapin 490 ka benepisyaryo.
Lakip usab sa gihatag sa DAR ang mga farm equipment, livelihood support, ug agri-inputs alang sa mga Agrarian Reform Beneficiary Organizations aron mapalambo ang produksiyon ug mapatuman ang malinawon, malungtarong panguma sa Zamboanga del Norte.(JENIFFER JR. DELICA)
Source:DAR Zambonorte