Gipasidunggan ang Lupong Tagapamayapa sa Barangay Olingan, Dipolog City isip 2025 Regional Winner sa Component Cities Category sa Lupong Tagapamayapa Incentives Awards (LTIA) niadtong Oktubre 29, 2025, tungod sa padayon nga pagpaningkamot sa pagpreserba sa kalinaw ug kaayohan sa komunidad.
Kini na ang ikaunom nga tuig nga nakadawat og pasidungog ang Barangay Olingan sukad 2017 hangtod 2024, nga nagpakita sa ilang kaisog, pagkamatinud-anon, ug tinud-anay nga serbisyo alang sa katawhan.
Gihatag ang maong pasidungog atol sa kalihokan nga Barangay: Kaagapay Tungo sa Tagumpay nga gipahigayon sa DILG Region IX isip pag-ila sa mga barangay nga modelo sa hustisya ug panaghiusa sa rehiyon.(JENIFFER JR. DELICA)
Source: DILG Dipolog