Nagpadayon sa higpit nga monitoring ang Local Government Unit (LGU) sa Gutalac human malampusong gipahigayon ang inspeksyon sa Multi-Purpose Youth Center niadtong Marso 19, 2026, nga usa ka incentive project nga gipundohan ubos sa Seal of Good Local Governance Incentive Fund (SGLGIF).
Tumong sa inspeksyon ang pagsiguro nga ang proyekto natuman subay sa gipatuman nga mga standard ug padayon nga magamit sa komunidad.
Matud pa sa kagamhanan, kini nga kalihokan kabahin sa ilang paningkamot sa pagmonitor sa mga imprastraktura aron masiguro ang kalidad, kaluwasan, ug kahimtangan niini alang sa mga kabatan-onan.
Gipasiugda usab nga ang Multi-Purpose Youth Center gituyo nga mahimong luwas ug magamit nga luna alang sa mga kalihokan sa kabatan-onan ug sa tibuok komunidad.(IKEN B. GULLEM)
Source: LGU GUTALAC-PUBLIC INFORMATION