Misalmot sa gipahigayon nga “KALASAG-ZAMBOANGA DEL NORTE” 1st Inter-Agency Territorial Defense Operation Exercise ang mga personahe sa kasundalohan gikan sa 902nd Ready Infantry Battalion (902RRIBn) Reservists nga gipahigayon dinhi ning lalawigan sa Zamboanga del Norte niadtong Pebrero 27,2026.
Ang maong aktibidad gipangunahan ni sa Gobernador ning probinsya sa Zambonga del Norte ug nailhan usab nga Battalion Commander, 902RRIBn nga MAJ DAREL DEXTER T UY PA (RES) diin pinaagi gipakita pag usab dili matarug nga patriyotismo ug pasalig sa nasudnong serbisyo.
Tumong niini nga mapauswag pa ang koordinasyon sa inter-agency sa pagpanalipod sa mga komunidad ug soberanya sa teritoryo, diin sa panahon sa katalagman ug emerhensya mas mapalig-on ang kaandam sa pagtubag niini pinaagi sa mga operasyon.
Sa pikas bahin ang mga reservist gikan sa 902nd Community Defense Center (902CDC) nga nakabase sa Dipolog City, Sindangan, ug mga lungsod sa Katipunan, Roxas, Manukan, ug Jose Dalman milihok ug misalmot usab sa Simulation Exercise (SIMEX) usa ka pagpakita sa ilang bug-os nga suporta sa kalihukan bisan ug tuod man sila anaa sa propesyonal nga karera ug adunay personal nga responsibilidad.
Dugang pa ang pagsalmot sa lungsoranon-sundalo ,kanunay nga andam, makahimo, ug pasalig sa pagtubag sa tawag sa katungdanan sa nasud usa ka tinuod nga diwa sa sa pagpanalipod alang sa tanan.(MEDALYN U. BORJA)
Source: 902nd Community Defense Center Zamboanga del Norte