Kagamhanang lokal sa Dipolog pinaagi sa buhatan sa Agrikultura, mi-apod-apod sa 12 ka mga pump boat engines nga dunay 16hp ug 12 ka GPS Fish Finder ngadto sa mga miyembro sa City Fisheries and Aquatic Resources Management Council (CFARMC) Pebrero 15 ning tuiga.
Si Mayor Darel Dexter T. Uy kauban nila City Agriculturist, Engr. Kerr N. Porlas, konsehal Roseller L. Barinaga ug konsehal Maynard R. Baes, ang mi-turn-over sa nasangpit nga kahimanan ngadto sa mga mananagat nga sakop sa CFARMC gikan sa unom ka mga coastal barangays ning siyudad.
Ning maong kalamboan, mipadayag sa iyang dakong pagpasalamat si Mrs. Winnie L. Tagapan, CFARMC Chair, tungod sa kanunay nga pagpaluyo ug paghatag og suporta sa kagamhanang lokal ngadto sa panginahanglanon sa mga mananagat sa Dipolog.
Samtang dugang gipasalig ni Mayor Uy nga ang City Government ilawom sa iyang liderato, kanunay nga motabang  ilabina dinha sa pagsiguro nga ma-protektahan ug ma-preserbar ang marine life, duyog sa paghimo sa dugang mga pamaagi aron molahutay ug mo-sustenir ang suplay sa mga isda dinhi sa dakbayan.
Sumala usab ni Engr. Porlas nga dili lamang taman dinhi ang mga tabang sa siyudad ngadto sa mga fisherfolks, kon dili aduna pa’y mga umaabot nga ipanghatag nga mehoras. Dugang saysay niini nga lakip sa gipanghatagan sa nahisgutan nga kahimanan mao kadtong mananagat kinsang mga panagatan ang naguba sa nakalabay nga Low Pressure Area (LPA) nga mihapak sa sayong bahin ning tuiga.
(Source: Dipolog City Government Facebook page)