Usa ka notice of public hearing ang gipagawas karon gikan sa buhatan sa Sangguniang Bayan sa Lungsod sa Catmon, Probinsya sa Sugbo.
Ang gi proposed nga reclamation project nga adunay gidak-on nga 95- hectare naglangkob sa mga coastal areas sa Barangay Catmondaan, Macaas ug Flores.
Ipahigayon karong Pebrero 18,2023 ang maong public hearing didto sa plaza sa naasoy nga Lungsod.
Kung mahinayon ang maong project nganlan kini og Catmon Cebu Industrial Park and Development Project (CIPDP).
Gilauman nga adunay daghang kalambuan ang mahimo kung madayon ang reclamation project apan kinihanglan pa usab nga paminawon ang tingog sa mga konstituwenti. (Renante Lada, photo courtesy of Municipality of Catmon)