Miabot na niadtong adlawng Biyernes ang duha ka bag-ong ambulansiya sa Kagamhanang Probinsyal sa Zamboanga del Norte.
Gibutyag ni Provincial Administrator Atty. Dug Christopher “Popoy” Mah, ang nasangpit nga mga ambulansiya para sa Provincial Risk Reduction and Management Office (PDRRMO) apan temporaryo unang ipahulam sa Sindangan District Hospital.
Sayo niini, nasunog ang ambulansiya sa Lilloy District Hospital, samtang nakaparada sa atubangan sa usa ka kan-anan sa lungsod sa Sindangan, samtang ang ambuilansiya sa District Hospital ang nalambigit sa usa ka aksidente sa Barangay OIlingan, ning Dakbayan sa Dipolog niadtong adlaw sa pasko, diin tulo ka sakay niini ang hikabsan sa kinabuhi.
Alayon niini, gipahinumdom ni Atty. Mah ang pagpailalom sa mga drayber sa ambulansiya sa seminar para sa tukmang pag-akatar niini, para magamit sa pag-atiman sa mga sakay niini, ug dili mahimong hinungdan sa di-napanahong kamatayon sa mga sakay niini.
Samtang sa laing bahin, kasamtangan karong gipaabot sa Kagamhanang-Probinsyal ang dose ka mga ambulansiya nga ilang gihangyo gikan sa Department of Health (DOH), Philippine Charity Sweepstakes Office (PCSO), ug Departmenty of Budget and Management (DBM).
Matud pa ni Atty.Mah, human sa iyang paglibot sa nagkalain-laing district hospital ning lalawigan, iyang nasayran ang panginahanglan sa ambulansiya.
Dugang pa ni Administator Mah, walo sa nasangpit nga ambulansiya ihatag sa mga district hospitals, duha sa Zamboanga del Norte Medical Center (ZNMC), ug usa ang on stand-by.
(Source: Provincial Information Center Zanorte Facebook page)