Personal nga mitambong si Dapitan City Mayor Evelyn T. Uy, sa 4th Quarter Regular Protected Area Management Board (PAMB) meeting sa Jose Rizal Memorial Protected Landscape (JRMP), diin gihisgutan ang nag-unang update ug strategic plans alang sa pagpanalipod ug pagdumala sa maong protektadong lugar.
Lakip sa giatubang sa panagtigom mao ang pagpalig-on sa conservation initiatives, pagmintinar sa ecological integrity sa landscape, ug ang pagpalambo sa sustainable eco-tourism nga makahatag ug dugang kaayohan sa komunidad. Ang presensya ni mayor nagpakita sa iyang lig-on nga suporta sa mga programa sa DENR ug sa PAMB nga nagtumong sa pagpreserba sa kinaiyahan ug kabilin sa kasaysayan.
Gipasalamatan usab ni mayor ang tanang lokal nga lider, mga opisyal sa DENR, ug stakeholders nga nagtinabangay sa pagpanalipod sa lugar. Gipahayag niyang ipadayon sa LGU ang kooperasyon aron mas mapalig-on ang pagdumala sa natural nga rekurso ug masigurong mapuslan kini sa mga lumolopyo ug sa umaabot nga henerasyon.(IKEN B. GULLEM)
Photo courtesy: Mayor Belen Uy