Gipangunahan sa Community Environment and Natural Resources Office (CENRO) Manukan ang pag release sa 187 ka Critically Endangered Hawksbill sea turtle hatchlings (𝘌𝘳𝘦𝘵𝘮𝘰𝘤𝘩𝘦𝘭𝘺𝘴 𝘪𝘮𝘣𝘳𝘪𝘤𝘢𝘵𝘢), didto sa baybayon sa East Poblacion.
Sa buntag nitungas ang 135 ka hatchlings, samtang 52 pa ang nigawas niini. Ang kalihukan nahimong dali tungod sa aktibong pagreport sa mga residente nga nakamatikod sa pagtungha sa mga pisan ug dayon mipahibalo sa CENRO.
Mitambong ug misaksi sa pagpagawas si OIC-CENRO Eugene S. Celi kauban ang iyang pamilya, mga personnel sa CENRO Manukan, ug mga residente nga nagtinabangay aron maprotektahan ang maong kritikal nga klase sa pawikan samtang nagbalik kini sa dagat.
Ang Hawksbill sea turtle, nailhan sa iyang talagsaong disenyo sa kabayhoan, gilaraw nga Critically Endangered ubos sa DENR Administrative Order No. 2019-09. Tungod sa padayong paningkamot sa marine turtle conservation, nagpadayon ang CENRO Manukan sa pagbantay ug pagmonitor sa nesting sites sa baybayon sa 2nd District sa Zamboanga del Norte.
Gihangyo sa CENRO ang publiko nga ipahibalo dayon sa labing duol nga DENR office kon adunay makita nga pawikan, hatchlings, o itlog aron mahatagan kini’g tukmang pag-atiman ug proteksyon.(IKEN B. GULLEM)
Source: DENR Zamboanga Peninsula