Nagtingkagol karon sa prisohan homan masikop ug makumpiskahan sa kapulisan ug ilegal nga drugas ang usa ka Job Order (JO) sa Provincial Hospital sa Zambonga del Norte atol sa gipahigayon nga Buy-Bust Operation mga alas 10:39 ang takna sa kagabhion niadtong Abril 7, 2026 didto sa Brgy. Minaog ning dakbayan sa Dipolog.
Ang maong dinakpan naila nga alyas “JB” 26 anyos, ulitawo, JO sa Provincial Hospital sa Zanorte,nailhang bag-ong Street Level Individual (SLI) ug nagpuyo sa Brgy. Galas, dakbayan sa Dipolog.
Ang pagkasikop sa suspek ug pagkakumpiska sa ilegal nga drugas gihimo pinaagi sa mga personahe sa ZNPDEU isip (Lead Unit) kauban ang Dipolog CPS ug 1st ZNPMFC.
Atol sa operarasyon nakumpiska gikan sa suspek ang Usa ka piraso nga small-sized heat-sealed transparent plastic sachet nga adunay puti nga crystalline granules nga gituohang “shabu” isip buy-bust item, Tulo ka piraso nga gamay nga gidak-on nga heat-sealed transparent plastic sachet nga adunay sulod sa gituohang “shabu” isip posesyon sa suspek, Usa ka P500 peso bill isip marked money, Usa ka unit nga cellular phone samsung brand color blue nga adunay color green case, Usa ka piraso nga itom nga pitaka, Usa ka piraso nga itom nga pouch nagsilbing sudlanan sa mga drug item, Usa ka piraso sa itom nga plastik nga straw ang nagsilbi nga sudlanan sa drug item ug Usa ka unit sa Honda beat nga kolor grey ang kolor nga adunay yawe ug temporary plate no. 104JVI.
Gibanaba nga mutimbang sa 2 gramos ang nakumpiska nga ilegal nga drugas nga adunay kantidad nga balor sa P13,600.00
Ang mga nakumpiska nga drug items i-turn over sa ZDN Provincial Forensic Unit-Liloy Satelite alang sa eksaminasyon
Samtang ang suspek gitanggong ubos sa protective custody sa DIPOLOG CPS alang sa tukmang disposasyon.(MEDALYN U. BORJA)
Source: ZNPDEU