Gipahigayon ang dako nga collaborative cleanup drive sa Dapitan Sunset Boulevard niadtong September 19, 2026, isip kabahin sa pagsaulog sa 41st International Coastal Cleanup o ICC Day.
Gatusan ka mga boluntaryo gikan sa lokal, provincial ug national government agencies, lakip ang mga NGO ug civic groups, ang nagkahiusa sa paglimpyo sa baybayon sa Dapitan ubos sa tema nga “Clean Seas for Resilient Communities.”
Gawas sa pagpanghipos sa basura, gigamit usab sa mga boluntaryo ang structured DENR tracking forms aron matala ang mga matang ug gidaghanon sa nakolektang basura, nga mahimong basihan sa mas hapsay nga mga lakang batok sa polusyon sa rehiyon.
Pinaagi sa hiniusang pag-apil sa nagkadaiyang sektor, gipasiugda ang importansya sa pagpanalipod sa baybayon ug kadagatan aron mapadayon ang kalimpyo sa palibot ug mapalig-on ang kalig-on sa mga komunidad.(JENIFFER JR. DELICA)
Source: City Information Division- Dapitan