Nadakpan sa Cebu City Police Office (CCPO) ang usa ka suspek sa shooting incident nga nahitabo niadtong gabii sa September 17, 2026 sa Barangay Quiot, Cebu City.
Nasikop ang suspek niadtong buntag sa September 19 sa V.H. Garces Street, Talisay City, Cebu, atol sa hot pursuit operation nga gipahigayon sa Police Station 10, ubos sa pagpanguna ni PCAPT Meryl Causin, kauban ang CIU sa CCPO ug nakigtambayayong sa Talisay City Police Station ug Police Station 5.
Narekober usab sa mga pulis ang usa ka kalibre .45 nga pistola ug magazine human mismo sa suspek mitudlo sa lugar diin niya gitago ang armas, atubangan sa usa ka barangay tanod.
Gidala ang armas sa Cebu City Forensic Unit 7 alang sa ballistic examination aron susihon kung kini ba mao ang armas nga gigamit sa shooting.
Ang suspek anaa na karon sa temporaryong kustodiya sa Police Station 10 samtang nagpadayon ang case build-up ug pag-andam sa mga dokumento alang sa tukmang kaso.
Matod ni CCPO Acting City Director PCOL Ricky C. Sumalde, determinado ang kapulisan sa pagpasaka sa hustisya batok sa mga nalambigit sa mga insidente sa pagpamusil, samtang gisiguro nga ang mga operasyon himuon subay sa balaod ug adunay respeto sa due process ug human rights.
📸 CCPO
I via Renante Socia Lada